कलाशैली संवाददाता । गायक अमित प्रधानको स्वर रहेको नयाँ गीत ‘मायाको आभाष’ को म्युजिक भिडियो सार्वजनिक गरिएको छ । गीतका शब्द र सङ्गीत स्वयं गायक प्रधानले तयार पारेका हुन् भने यसको सङ्गीत संयोजन हर्कुलस बस्नेतले गरेका छन् ।
हिमाल थापाको निर्देशनमा तयार गरिएको भिडियोलाई व्हेरि केसी र अमित प्रधानले अभिनयमार्फत जीवन्त बनाएका छन् । गीतको भोकल रेकर्डिङ अस्ट्रेलियाको मेलबर्नमा सन्देश श्रेष्ठले गरेका हुन् भने बाँसुरीमा किरण बरालले साथ दिएका छन् ।
भिडियोमा सहायक निर्देशकको भूमिका सञ्जय सुवेदीले निभाएका छन् । भिडियोलाई खिच्ने (सिनेम्याटोग्राफर) रेयवट श्रेष्ठ हुन् भने सम्पादन र रङ संयोजन पनि निर्देशक हिमाल थापाले नै गरेका छन्। उत्पादन व्यवस्थापन सलिम एमएसएमले सम्हालेका छन् । ‘मायाको आभाष’ गीतले प्रेमको भावनालाई सजीव ढङ्गमा प्रस्तुत गरेको छ र दर्शक तथा श्रोताबाट राम्रो प्रतिक्रिया पाउने अपेक्षा गरिएको छ ।
