कलाशैली संवाददाता । दुई दशकदेखि फिल्म अध्यापन गराउँदै आएको अस्कर कलेजको ‘साधना घर’ प्रेक्षालयमा आज, साउन १५ गतेदेखि ‘दोरुम्बा’ नामक नाटक मञ्चन हुने भएको छ । सुमनकुमार वाग्लेले लेखेको यो नाटकले माओवादी द्वन्द्वकालमा राज्यपक्ष र विद्रोही पक्षको बीचमा पिसोलिएका जनताको मार्मिक कथा प्रस्तुत गर्नेछ ।

कलेजका विभिन्न ब्याचका, विशेषतः अभिनय विशिष्टीकरणका विद्यार्थीहरूको संलग्नता रहेको यो नाटकलाई १६औँ ब्याचका विद्यार्थी युदीप सिटौलाले निर्देशन गर्नेछन् । नाटक साउन १५ गतेदेखि २४ गतेसम्म हरेक दिन साँझ ५ः१५ बजे मञ्चन हुनेछ । शनिबारका दिन भने दिउँसो १ः१५ बजेको अतिरिक्त समयमा पनि यसको मञ्चन हुने जनाइएको छ ।

‘साधना घर’ मा यसअघि आधा दर्जनभन्दा धेरै नाटकहरू मञ्चन भइसकेका छन् भने भविष्यमा पनि यस्ता नाटकहरू निरन्तर मञ्चन हुने कलेज प्रशासनले बताएको छ ।