कलाशैली संवाददाता । सन् २०२५ को बहुप्रतीक्षित हलिउड फिल्म ‘अवतार ३’ को ट्रेलर सार्वजनिक भएसँगै चर्चामा छ । यो तेस्रो श्रृंखलाको नाम ‘अवतार: फायर एण्ड एस’ राखिएको छ । ‘अवतार ३’ आगामी डिसेम्बर १९ मा विश्वभर रिलिज हुने तयारीमा छ । जेम्स क्यामरुनद्वारा निर्देशित यो फिल्मले काल्पनिक पाण्डोरा ग्रहको कथालाई निरन्तरता दिन्छ ।

विज्ञान कथामा आधारित यो फिल्मको तेस्रो श्रृंखलाले पाण्डोराका दुई आदिवासी जाति र ज्वालामुखीको चित्रण गरेको छ । फिल्ममा साम वर्थिङ्टन, जोय साल्दाना लगायतका कलाकारहरूको शीर्ष भूमिका रहेको छ ।

‘अवतार’ को पहिलो र दोस्रो श्रृंखला विश्व फिल्म इतिहासमा सर्वाधिक कमाउने शीर्ष ५ मा पर्छन् । यो तेस्रो श्रृंखला फ्रेन्चाइजीको अन्तिम हुने बताइएको छ ।फिल्महरूले समाज, संस्कृति र व्यक्तिमा गहिरो प्रभाव पार्छन् । ‘अवतार’ जस्ता फिल्मले पर्यावरण संरक्षण, सांस्कृतिक विविधता र प्राविधिक नवप्रवर्तनलाई विश्वमाझ प्रस्तुत गर्दै सामाजिक जागरूकता फैलाउँछन् ।