प्रविधि । नेपालमा दर्ता भएको नेपाली सामाजिक सञ्जाल वीटक (साराश मिडिया ल्याब्स प्रा.लि.) ले अन्तर्राष्ट्रिय हिपहप डान्सर नोर्बु तामाङ र सुस्मिता तामाङसँग औपचारिक सम्झौता गरेको छ । सम्झौताअनुसार, नोर्बु र सुस्मिताले वीटकले निर्माण गर्ने म्युजिक भिडिओमा अभिनय गर्नेछन् । दुवै डान्सरले विभिन्न अन्तर्राष्ट्रिय डान्स प्रतियोगितामा सहभागिता जनाउँदै आफूलाई विश्वभर परिचित गराईसकेका छन् ।
वीटकको माउ कम्पनि साराश मिडिया ल्याब्सका प्रमुख सञ्चालक क्षितिज दाहालले डान्स समुदायसहित सम्पूर्ण कन्टेन्ट क्रिएटरलाई जोड्ने कार्य भइरहेको बताए ।
‘हाम्रो एपमार्फत जोडेर उनीहरूको सिर्जनालाई अनलाइन र भौतिक माध्यमबाट प्रस्तुत गर्नेछौं । उनीहरूले तत्काल भुक्तानी पाउने वातावरण बनाएर नयाँ सिर्जनालाई प्रोत्साहन गर्नेछौं’, दाहालले थपे, ‘नोर्बु र सुस्मिताजस्ता अन्तर्राष्ट्रिय हिपहप कलाकारलाई नेपालमा सञ्जालमार्फत जोड्दै हिपहप क्रिएटर इकोनोमीलाई संस्थागत रूपमा विकास गर्ने र विभिन्न क्षेत्रमा विस्तार गर्ने हाम्रो योजना छ ।’
वीटकले हिपहप समुदायलाई केन्द्रमा राखेर ‘क्रिएटर इकोनोमी’ निर्माण गर्ने लक्ष्य राखेको छ । यसअन्तर्गत प्रतिस्पर्धा, क्यास गिभअवे, डान्स च्यालेन्जलगायत अनलाइन र भौतिक कार्यक्रमहरू सञ्चालन गरिने बताइएको छ । उपभोक्ताले वीटक एप डाउनलोड गरी लगइन गरेर आकर्षक गिफ्ट ह्याम्पर प्राप्त गर्न सक्ने कम्पनीले जनाएको छ ।
