कलाशैली संवाददाता । फिल्म मेकर्स प्रा. लि. को ब्यानरमा निर्माण भएको फिल्म ‘मोहर’ को ट्रेलरले सकारात्मक चर्चा पाएको छ । ओम प्रतीक को लेखन तथा निर्देशनमा बनेको यो फिल्मका निर्माता चुम्बन जंग शाही हुन् । फिल्ममा पल शाह, बेनिशा हमाल, नीति शाह, अर्जुन जंग शाही, लक्ष्मी गिरी, रवीन्द्र झा, सारा शर्मा लगायतका कलाकारहरूको अभिनय रहेको छ ।

आगामी साउन २३ गते बाट रिलिज हुने यो फिल्मले देउकी प्रथाको कथालाई प्रस्तुत गर्छ । ट्रेलरमा प्रेम, बिछोड, सस्पेन्स र थ्रिल समावेश गरिएको छ, जसले दर्शकलाई भावनात्मक रूपमा जोड्ने देखिन्छ । पल शाहका लागि पनि फिल्म महत्वपूर्ण छ । सोही कारण पल फिल्मको प्रचारप्रसारमा देश दौडाहामा लागेका छन् ।