कलाशैली संवाददाता । अभिनेता प्रदीप खड्कालाई शीर्ष भूमिकामा लिएर निर्देशक सुदर्शन थापाले ‘शुभ विवाह’ निर्माण गर्ने भएका छन् । केही समय अगाडी नै सम्झौता भएपनि यी दुइको फिल्मको छायांकन हुन् सकेको छैन । यद्यपि, हाल छायंकनरत फिल्म ‘ऐरी’ को छायांकन सकिएपछि प्रदीपले सुदर्शनको प्रोजेक्टमा काम गर्न सक्ने बुझिएको छ । उक्त फिल्म निर्माणका लागि सुदर्शनको प्रोडक्सन हाउसले चलचित्र विकास बोर्डबाट निर्माण इजाजत लिईसेको छ ।

निर्माता थमनकुमार भण्डारीले पनि अभिनेता \ खड्कालाई मुख्य भूमिकामा राखेर फिल्म ‘लोभीपापी’ का लागि निर्माण इजाजत लिएका छन् । यस फिल्मको अनुमानित बजेट २ करोड ३० लाख रुपैयाँ रहेको छ । यसअघि भण्डारीले निर्माण गरेको फिल्म ‘एक्टर: टेक वन’ मा पनि प्रदीप खड्का नै शीर्ष भूमिकामा थिए, जसले यी दुईबीच पुनः सहकार्य हुने निश्चित गरेको छ।