कलाशैली संवाददाता । अभिनेता राजेश हमालले आफ्नो ६१ औँ जन्मदिनको अवसर पारेर वर्षेनी एक फिल्ममा देखिने बताएका छन् । आज लाजिम्पाटस्थित होटल शङ्करमा आयोजित पुस्तक ‘युगदेखि युगसम्म’ को आवरण अनावरण कार्यक्रममा उने आउँदो वर्ष दर्शकले पुनः पर्दामा देख्न पाउने सङ्केत गरे ।
‘केही वर्ष म फिल्मबाट टाढा रहेँ किनभने मैले खोजेजस्तो विषयवस्तु र निर्माण समूहसँग जोडिन सकिनँ । तर अब वर्षमा एउटा फिल्ममार्फत दर्शकमाझ पुग्ने सोच बनाएको छु । म जति समय काम गर्छु, प्रत्येक वर्ष एउटा फिल्म दर्शकसम्म पुगोस् भन्ने चाहना छ, तर त्यसका लागि उत्कृष्ट विषयवस्तु आवश्यक छ’, उनले भने ।
आगामी वर्ष नयाँ फिल्म लिएर दर्शकमाझ आउने योजना उहाँले सुनाए । पुस्तकबारे जानकारी दिँदै उहाँले ३५ वर्ष लामो कलाकारिता यात्रामा सार्वजनिक नभएका व्यक्तिगत जीवन, परिवार, समाज र अन्य विविध विषयलाई समेटिएको जानकारी दिए ।
