कलाशैली संवाददाता । बलिउड अभिनेता अक्षय कुमारको मेगा मल्टिस्टारर फिल्म ‘हाउसफुल ५’ शुक्रबारदेखि प्रदर्शन तयारीमा छ । भारतमा झैँ नेपालमा पनि यो कमेडी फिल्म दुई फर्म्याटमा प्रदर्शन हुनेछ । अर्थात ‘किलर कमेडी’ भनिएको फिल्मलाई दुई फरक फरक ‘क्लामेक्स’ सहित दर्शकले हेर्न पाउनेछन् ।

तरुण मनसुखानी निर्देशित ‘हाउसफुल ५’का लेखक तथा निर्माता साजिद नाडियावाला हुन् । यो एक सुपरहिट फ्रान्चाइजीको हिस्सा हो । ‘हाउसफुल ५’ मा अक्षय कुमार बाहेक अभिषेक बच्चन, रितेश देशमुख, ज्याकलिन फर्नान्डिज, सोनम बाजवा, नरगिस फाखरी, सञ्जय दत्त, ज्याकी श्राफ, नाना पाटेकर, चित्रांगदा सिंह, फरदीन खान, चंकी पाण्डे, जोनी ले, फरदीन खान लगायतका कलाकारको अभिनय छ । श्रेयस तलपदे, डिनो मोरिया, रञ्जित, सौन्दर्य शर्मा, निकितिन धीर र आकाशदीप साबिर जस्ता प्रसिद्ध अनुहार यसमा छन् ।