कलाशैली संवाददाता । सरकारले ओटीटी (ओभर द टप मिडिया सर्भिस) सेवालाई नियमन गर्न कानुन ल्याउने भएको छ। उपप्रधान तथा अर्थमन्त्री विष्णुप्रसाद पौडेलले आगामी आर्थिक वर्ष २०८२/०८३ को बजेट प्रस्तुत गर्दै यस्तो घोषणा गरेका हुन् ।

बजेट वक्तव्यमार्फत अर्थमन्त्री पौडेलले भने,‘दूरसञ्चार तथा प्रसारण सेवामा विद्यमान ओटीटी सेवाको नियमन गर्न कानुनी व्यवस्था गरिनेछ ।’ यसैगरी, उनले विज्ञापनलाई मापदण्डमा आधारित, मर्यादित र व्यवस्थित बनाउने नीति पनि बजेटमा समावेश गरिएको बताए । यो कदमले डिजिटल मिडिया प्लेटफर्मको व्यवस्थित सञ्चालन र विज्ञापन क्षेत्रमा गुणस्तर कायम हुने अपेक्षा गरिएको छ ।