कलाशैली संवाददाता । सरकारले आगामी आर्थिक वर्ष २०८२/०८३ को बजेटमार्फत फिल्म पर्यटन प्रवर्धन गर्ने घोषणा गरेको छ । अर्थमन्त्री विष्णु पौडेलले बजेट प्रस्तुत गर्दै फिल्म पर्यटनमार्फत पर्यटन क्षेत्रको विकास गर्ने योजना सार्वजनिक गरेका हुन्।

उनले भने,‘पर्यटन प्रवर्धनका लागि फिल्म पर्यटनलाई प्राथमिकता दिइनेछ ।’ साथै, उनले फिल्म छायांकन स्टुडियो निर्माणका लागि निजी क्षेत्रलाई प्रोत्साहन गर्ने नीति पनि बजेटमा समावेश गरिएको बताए ।

यो कदमले नेपालमा स्वदेशी तथा विदेशी फिल्मको छायांकनलाई सहज बनाउँदै पर्यटन र फिल्म उद्योगको विकासमा योगदान पुग्ने अपेक्षा गरिएको छ ।