कलाशैली संवाददाता । ‘डान्स इन्डिया डान्स लिटिल मास्टर्स सिजन ३’ की विजेता तेरिया फौजा मगरले नृत्यमा जस्तै फिल्ममार्फत पनि दर्शकको माया पाउने विश्वास व्यक्त गरेकी छिन्। शनिबार बौद्धस्थित हायात मैदानमा हुने ‘नोरा फतेही लाइभ इन नेपाल’ मा प्रस्तुती दिने तयारीमा रहेकी तेरियाले आफ्नो फिल्मी यात्रा र तयारीबारे बताइन्।

‘नृत्यमा पाएको माया फिल्ममा पनि पाउने आशामा छु । म सफल नभएसम्म प्रयास गर्छु, यो मेरो नेचर हो । फिल्ममा पनि प्रयासरत छु, आगामी यात्रा राम्रो हुन्छ भन्ने लाग्छ’, तेरियाले भनिन् । उनले ‘मितज्यू’ फिल्ममार्फत अभिनेत्रीको रूपमा डेब्यू गर्दैछिन् । यसअघि उनले ‘मेरो डान्स युनिभर्स’ नामक शो होस्ट गरिरहेकी छिन् ।

तस्बिरहरू : कुवेर डंगोल