कलाशैली संवाददाता । हास्य कलाकार तथा अभिनेता विल्सन विक्रम राई ‘तोक्मा टेक्नोलोजिज’का ब्रान्ड एम्बासडरमा नियुक्त भएका छन् । गत सोमबार एक कार्यक्रममा राईलाई औपचारिक रूपमा ‘ब्रान्ड फेस’को रूपमा सार्वजनिक गरिएको हो । उक्त कार्यक्रममा ‘तोक्मा एप’को औपचारिक सेवा शुभारम्भ पनि गरिएको थियो ।
‘तोक्मा टेक्नोलोजिज’ ले ल्याएको यो एपले राइड-शेयरिङ, केयरगिभिङ, पर्यटक गाइड बुकिङदेखि निजी सुरक्षाकर्मीको सेवासम्म एकै प्लेटफर्मबाट उपलब्ध गराउने दाबी गरिएको छ । साथै, कम्पनीले डिजिटल बिजनेस कार्ड ‘जी कार्ड’ पनि सार्वजनिक गरेको छ । ब्रान्ड एम्बासडर बनेपछि राईले ‘तोक्मा एप’लाई नेपाली जनजीवनसँग गाँसिएको उत्पादक प्रविधिको रुपमा चित्रण गरे । उनले जनचेतनामूलक कार्यक्रममार्फत तोक्माका सेवा देशभर पुर्याउने अभियानमा आफू संलग्न हुने बताए ।
कम्पनीका सिइओ सागर आङदेम्बेले ‘तोक्मा’ शब्द हिमाली जीवनशैलीसँग जोडिएको एक सहायक लठ्ठी भएको उल्लेख गर्दै एपको नाम त्यसैबाट लिएको जानकारी दिए ।
