कलाशैली संवाददाता । अभिनेता राजकुमार राव र अभिनेत्री वामिका गब्बीको मुख्य भूमिका रहेको फिल्म ‘भूल चुक माफ’ को हलमा हुने प्रदर्शन रद्द गरिएको छ । यो फिल्म भोलि अर्थात् मे ९ तारिखमा सिनेमाघरहरूमा रिलिज हुने तयारीमा थियो । तर, अब यो फिल्म सोझै ओटीटी प्लेटफर्ममा रिलिज हुने भएको छ ।
सेन्सर बोर्डले फिल्मलाई कुनै पनि दृश्य कटौती नगरी ‘यु-ए’ प्रमाणपत्र दिएको थियो । यद्यपि, भारत र पाकिस्तानबीच बढ्दो तनाव र त्यसपछिको ‘अप्रेसन सिन्दूर’ का कारण सुरक्षा संवेदनशीलतालाई मध्यनजर गर्दै फिल्मलाई हलमा प्रदर्शन नगरी सिधै ओटीटीमा रिलिज गर्ने निर्णय निर्माण पक्षले लिएको हो ।
‘भूल चुक माफ’ अब मे १६ तारिखमा ओटीटी प्लेटफर्म प्राइम भिडियोमा रिलिज हुनेछ । १६ दिनअघि (अप्रिल २२) कश्मीरको पहलगाममा भएको आतङ्कवादी हमलामा २५ भन्दा बढी पर्यटकको ज्यान गएको थियो । उक्त घटनापछि भारतले बुधबार पाकिस्तानका ९ वटा क्षेत्रमा क्षेप्यास्त्र हमला गरेको थियो । यस घटनाले दुई देशबीच युद्धको त्रास बढाएको छ । यही परिस्थितिलाई ध्यानमा राख्दै फिल्मलाई सोझै ओटीटीमा रिलिज गर्न लागिएको ‘भूल चुक माफ’ का निर्माताले जानकारी दिएका छन् ।
IMPORTANT DEVELOPMENT… 'BHOOL CHUK MAAF' *THEATRICAL RELEASE* CALLED OFF – WILL PREMIERE ON DIGITAL PLATFORM *NEXT WEEK*… OFFICIAL STATEMENT FROM DINESH VIJAN…#BhoolChukMaaf | #MaddockFilms | #AmazonMGMStudios | #KaranSharma | #RajkummarRao | #WamiqaGabbi pic.twitter.com/fKhfAvBChD
— taran adarsh (@taran_adarsh) May 8, 2025
