कलाशैली संवाददाता । ‘माग्ने बुढो’ को नामले चर्चित कलाकार केदार घिमिरेको मुख्य भूमिका रहेको फिल्म ‘माग्ने राजा’ को छायांकन ४३ दिनमा सम्पन्न भएको छ । काभ्रेदेखि सुरू गरिएको छायांकन काठमाडौँमा सम्पन्न गरिएको निर्माण पक्षले जनाएका छन् । फिल्मले एउटा निम्नस्तरको व्यक्तिको धनी बन्ने लालसा र त्यसबाट उत्पन्न हुने हास्य तथा जीवनमूल्य समेट्ने निर्माण पक्षले जनाएको छ ।
ऋषि लामिछानेको निर्देशनमा तयार भइरहेको यो फिल्ममा केदार घिमिरेसँगै आर्यन सिग्देल, वर्षा शिवाकोटी, विल्सन विक्रम राई, शिशिर बाङ्देल लगायतका कलाकारहरूको अभिनय रहनेछ।
फिल्मको छायांकन नरेन्द्र मैनालीले गरेका हुन् । निर्माण टिमले फिल्म २०८२ सालको हरितालिका तीजको अवसर पारेर प्रदर्शनमा ल्याउने तयारी गरिरहेको जनाएको छ । हास्य, व्यंग्य र सामाजिक यथार्थको संयोजनमा तयार हुने ‘माग्ने राजा’ नेपाली दर्शकमाझ फरक स्वाद लिएर आउने अपेक्षा गरिएको छ ।
