कलाशैली संवाददाता । अभिनेता प्रदीप खड्का महङ्गा अभिनेतामा पर्छन् । कुनै समय फिल्ममा स्थापित हुन् निर्मातासमेत बनेका अभिनेता खड्का अहिले धेरै निर्माताको रोजाईमा पर्ने गरेका छन् । विशेषत ‘प्रेम गीत’ फिल्ममा प्रेमको रुपमा प्रस्तुत भएपछि अभिनेता खड्का स्टार बने । त्यसपछि उनको करिअर लगातार अगाडि बढिरहेको छ । यिनै प्रदीप हालै एक अन्तरवार्तामा आफ्नो व्यक्तित्व र अभिनय यात्रासम्बन्धी खुलेर कुरा गरेका छन् ।
चल्तीका हिरो भएपछि ‘रिजर्भ’ बस्नु पर्ने विषयमा प्रदीपले आफ्नो धारणा राखे । उनले भने,’म सुरुआतका दिन देखि नै यस्तै छु । पहिला नै सबै ठाउँ पुग्ने र एक्सप्लोर गर्ने बानी भयो । फेरी म हिरो भन्दा सुरुकै दुई फिल्मपछि अभिनय यात्रामा विराम लाग्छ की भन्ने पनि थियो । त्यसकारण पछिल्लो दश वर्ष जसरी चले अबकिन परिवर्तन हुनुपर्यो ? तर, पहिलादेखि नै जो रिजर्भ हुनुहुन्छ त्यो गलत छैन ।’
उनी आफू क्यामेरा बाहेकको जीवनमा सामान्य रुपमै प्रस्तुत हुने र कलाकारको घमण्ड आउन नदिने बताउछन् । अभिनेता खड्काले भने,’क्यामेरा हुँदा म पर्फमर हो, तर जब क्यामेरा हुँदैन, म फेरि उही प्रदीप नै हुन्छु ।’
प्रदीपले दर्शकहरूसँगको सम्बन्ध पनि आत्मीय रहेको बताए । ‘मलाई चिनेकाहरूले आफन्त जस्तै व्यवहार गर्नुहुन्छ, दर्शकले पनि त्यही गर्नुहुन्छ, म पनि त्यसै किसिमले प्रतिक्रिया दिन्छु’, उनले भने ।
यो अभिव्यक्तिले उनी अभिनयमा जति समर्पित छन्, त्यति नै आफ्नोपनमा विश्वास राख्ने व्यक्तित्व भएको देखाउँछ । प्रशंसकहरूका लागि उनले अभिनय गर्ने पर्दा होस् वा सामान्य जीवन, प्रदीप सधैँ आफ्नाे मौलिकता र सरलतासँग अडिग देखिन्छन् ।
