कलाशैली संवाददाता । नेपाली फिल्मका जोडी हुन् खगेन्द्र लामिछाने र दीपेन्द्रकुमार खनाल । खगेन्द्र लेखक, निर्माता, निर्देशक र अभिनेताको रुपमा फिल्ममा प्रस्तुत हुन्छन् भने दीपेन्द्र लेखक, निर्देशक, निर्माता र छायाँकार हुन् । यी दुईको सहकार्य ‘पशुपति प्रसाद’ मार्फत सुरू भएको थियो । तर, ‘धनपति’ ले अपेक्षित व्यापार नगरेपछि केही समय यी दुईले भिन्न व्यक्तिसँग काम गरे ।
तर, पछिल्लो समय यी दुई एकपछि अर्को फिल्ममा लगातार सहकार्य गरिरहेका छन् । सामाजिक तथा राजनीतिक ड्रामामा आधारित फिल्ममा यी दुईले काम गर्ने गरेका छन् । यी दुईको सहकार्य रहेको फिल्म ‘के घर के डेरा : घर नं. २’ जेठ २ मा प्रदर्शन हुँदैछ भने ‘मेयर’ पनि यसै वर्ष प्रदर्शन हुन् सक्नेछ । यी दुईले पुनः पटकथा प्रडक्सन प्रालिमार्फत ‘श्रीमान् श्रीमती’ नामक फिल्म निर्माण गर्ने भएका छन् ।
फिल्मको निर्मातामा दीपेन्द्रको छोरी सृष्टिमा खनाल पनि छन् ।
