कलाशैली संवाददाता । गणतन्त्र दिवसको अवसर पारेर प्रदर्शनमा आउने नेपाली फिल्म ‘महाभोज’ सामाजिक यथार्थ, वर्ग संघर्ष, र पैसाले निम्त्याएका पारिवारिक तथा सामाजिक द्वन्द्वहरूलाई समेटिएको छ । फिल्मको सार्वजनिक टिजरमा प्रमुख पात्रहरूको मानसिक र भावनात्मक संघर्षलाई चित्रण गरिएको छ ।
सहकारी संस्थाको विषयसँग जोडिएको फिल्मलाई दिनेश राउतले निर्देशन गरेका हुन् । उनका अनुसार पैसाले सिर्जना गर्ने पारिवारिक, सामाजिक र नैतिक दबाबहरूको यथार्थ चित्रण फिल्ममा गरिएको छ ।
क्लक वर्क क्रियशन र पिक्चर फ्रेमको संयुक्त ब्यानरमा निर्माण भएको फिल्मको कथा तथा पटकथा विकास सुवेदीले लेखेका हुन् । यसमा आर्यन सिग्देल, दयाहाङ राई, खगेन्द्र लामिछाने, अञ्जना बराइली, गौमाया गुरुङ, मलिका महत, वसुन्धरा भुसाल, मोहन निरौला, बुद्धि तामाङ, कमलमणि नेपाल, पुष्कर गुरुङ, विनोद न्यौपाने, आभा अर्याल, र वीरेन्द्र सिंह कुशवाहलगायतका कलाकारहरूको अभिनय रहेको छ ।
