कलाशैली संवाददाता । अभिनेत्री प्रियंका कार्कीले दुई फिल्म निर्माण गर्ने भएकी छिन् । उनले छोरी आयंका कार्कीको नामबाट खोलेको निर्माण कम्पनि आयंका फिल्म्स प्रालिमार्फत ‘सिक्का’ र ‘ख्या’ निर्माण गर्न लागेको हुन् । चलचित्र विकास बोर्डमा दर्ता गरिसकेकी प्रियंकाले यी दुवै फिल्ममा निर्देशकको रुपमा सिमोस सुनुवारलाई राखेकी छिन् ।

हाल स्क्रीप्टको काम भइरहेको यी दुवै फिल्म कहिले निर्माण हुन्छ यस विषयमा भने प्रियंकाले जानकारी सार्वजनिक गरेकी छैनन् । यद्यपि छोटा फिल्म र वेब सिरिज निर्देशन गरेपछि प्रियंका आफैले पनि निर्देशन गर्न सक्ने चर्चा चलेको छ । तर, पछिल्लो समय फिल्म अभिनयमा व्यस्त भएसँगै प्रियंका निर्देशनको जिम्मेवारी लिने की नलिने भन्ने विषयमा दोधारमा छिन् ।

अभिनय आयुष्मान डिएस जोशीसँग विवाह गरेपछि प्रियंकाले आफ्नै प्रोडक्सन हाउस खोलेर फिल्म निर्माण गर्ने योजना बनाएकी हुन् ।