कलाशैली संवाददाता । सस्पेन्स, थ्रिलर, प्रेम, विछोड र बदलाको कथामा आधारित फिल्म ‘मोहर’ को ट्रेलर सार्वजनिक गरिएको छ । साउन २३ गतेबाट प्रदर्शनमा आउने यो फिल्म फिल्म मेकर्स प्रा.लि.को ब्यानरमा बनेको हो । ओम प्रतिकको लेखन र निर्देशन रहेको फिल्मका निर्माता चुम्बन जंग शाही हुन्।ट्रेलरमा पल शाह, बेनिशा हमाल, नीति शाह, लक्ष्मी गिरी, अर्जुन जंग शाही र बालकलाकार सारा शर्माको अभिनय केन्द्रमा छ ।
देउकी प्रथालाई मुख्य विषय बनाएको ट्रेलरले प्रेम, संघर्ष र सामाजिक यथार्थका उतारचढावलाई प्रभावकारी ढंगले प्रस्तुत गरेको छ । पल शाहको बेनिशा र नीतिसँगको प्रेम सम्बन्धले कथालाई अर्थपूर्ण बनाएको छ । ट्रेलरले देउकी प्रथाबाट सुरु भएको कथालाई विभिन्न आरोह-अवरोहसहित अगाडि बढाएको छ, जसले दर्शकमा कौतुहलता जगाउँछ ।
दुई गीत र टिजरले चर्चा बटुलेको अवस्थामा ट्रेलरले फिल्मप्रति थप उत्साह बढाएको छ।फिल्ममा पल शाह, अर्जुन जंग शाही, बेनिशा हमाल, नीति शाह, मिथिला शर्मा, रविन्द्र झा, लक्ष्मी गिरी, मिस पबी, सुशिल देवकोटा, लक्ष्मीनाथ तिमिल्सिना, सिद्धार्थ सिंह, माधव दत्त पण्डित, गीता थापा, नविन खतिवडा, अर्जुन आचार्य र बालकलाकार सारा शर्माको अभिनय छ ।
गिरिराज घिमिरे मुख्य सहायक निर्देशक रहेको फिल्ममा लक्ष्मणराज पौडेल प्रोडक्सन म्यानेजर, दीपेन बस्न्यातको छायांकन, भूपेन्द्र अधिकारीको सम्पादन, रेनिश फागोको कलर ग्रेडिङ, सुरेश अधिकारी, थानेश्वर गौतम र एसडी योगीको संगीत छ । ट्रेलर साहिल खानले तयार पारेका हुन् । रामजी लामिछाने र कविराज गहतराजको कोरियोग्राफी र कुमार महर्जनको एक्सन रहेको छ ।
