कलाशैली संवाददाता । निर्देशक दीपेन्द्र के. खनालको निर्देशनमा बनेको नेपाली फिल्म ‘के घर के डेरा : घर नं २’ को पहिलो गीत ‘आँखा’ सार्वजनिक गरिएको छ । गीतमा रिकेश गुरुङको स्वर, राम अविरल विष्टको शब्द र एसडी योगीको संगीत सुन्न सकिन्छ । सार्वजनिक गरिएको भिडियोमा अभिनेता खगेन्द्र लामिछाने र अभिनेत्री उपासना सिंह ठकुरीबीचको प्रेमभावलाई आकर्षक ढंगले प्रस्तुत गरिएको छ ।

फिल्म ‘के घर के डेरा : घर नं २’ सामाजिक विषयवस्तुमा आधारित ड्रामा हो । यस फिल्मको कथा चर्चित लेखक बुद्धिसागरले लेखेका हुन्, जसले यसअघि ‘कर्णाली ब्लुज’, ‘एक्लो’ र ‘फिरफिरे’ जस्ता लोकप्रिय उपन्यासहरू लेखिसकेका छन् । यो उनको पहिलो फिल्म कथा लेखन हो ।

फिल्ममा खगेन्द्र लामिछाने, उपासना सिंह ठकुरी, निश्चल बस्नेत, आर्यन सिग्देल, केकी अधिकारी, प्रकाश घिमिरे, श्रृजना नापित, संजोग रसाइली, रुविना घिमिरे, सुरज विष्टलगायत कलाकारहरूको अभिनय देख्न पाइनेछ ।