कलाशैली संवाददाता । गायक सुशान्त केसी विश्व चर्चित अडियो स्ट्रिमिङ प्लेटफर्म स्पोटीफाईमा मासिकरूपमा सबैभन्दा धेरै सुन्ने नेपाली गायक बनेका छन् ।संगीतसम्बन्धी तथ्यांक विश्लेषण गर्ने प्लेटफर्म भाइब्रेटले सार्वजनिक गरेको पछिल्लो शीर्ष १० सूचीमा केसी पहिलो स्थानमा छन् । भाइब्रेटका अनुसार उनलाई मासिकरूपमा ८ लाख ६३ हजार पटक सुनेको उल्लेख गरिएको छ ।

उक्त सूचीमा दोस्रो स्थानमा सज्जनराज वैद्य छन्, जसलाई मासिक ३ लाख ५७ हजार पटक सुनेको देखिन्छ। तेस्रो स्थानमा रहेका जोन राईलाई भने ३ लाख १२ हजार पटक सुनेको तथ्यांक छ । यस्तै चौथो स्थानमा द एलिमेन्ट्स ( २४३.८ के), पाचौँ स्थानमा पूर्ण राई (२९४.६ के), छैठौँ स्थानमा ट्राइबल रेन (२०९.९ के), सातौँ स्थानमा यवेश थापा (४१० के), आठौँ स्थानमा समीर श्रेष्ठ (३११ के), नवौँ स्थानमा ओएसिस थापा (३२२.९ के) र दसौँ स्थानमा बिपुल क्षेत्री (१६१.६ के) पटक मासिक सुनिएका छन् । स्पोटीफाईमा नेपाली गायकहरूको बढ्दो उपस्थिति र लोकप्रियता पछिल्लो समय उल्लेखनीय रूपमा देखिएको छ ।