बलिउड । सलमान खानको फिल्म ‘सिकन्दर’ आज रिलिज भएको छ । यसैबीच, यो फिल्म थलापति विजयको ‘सरकार’ र ‘प्रभास’को सलारबाट प्रेरित भएको दाबी गरिएको थियो । अब यस विषयमा फिल्मका निर्देशक ए.आर. मुरुगादोसले स्पष्टीकरण दिएका छन् । उनले यो रिमेक नभएर पूर्णतया मौलिक कथा भएको बताएका छन् ।
निर्देशक मुरुगादोसले भने, ‘यो पूर्णतया मौलिक कथा हो।’ उनका अनुसार ‘सिकन्दर’ को हरेक दृश्य र फ्रेमले दर्शकलाई नयाँ अनुभव दिने गरी प्रामाणिक रूपमा डिजाइन र कार्यान्वयन गरिएको छ । यो कुनै फिल्मको रिमेक वा रूपान्तरण होइन । फिल्मको मौलिकताको एउटा ठूलो हिस्सा यसको शक्तिशाली पृष्ठभूमि स्कोर हो, जुन प्रतिभाशाली लेखक सन्तोष नारायणनले लेखेका छन् ।
यस फिल्ममा सलमान खान र रश्मिका मन्दाना मुख्य भूमिकामा छन् । निर्देशक मुरुगादोसले यसअघि ‘गजनी’, ‘हलिडे’ र ‘अकिरा’ जस्ता हिन्दीफिल्महरू निर्देशन गरिसकेका छन् । साजिद नाडियाडवाला यसको निर्माता हुन् ।
